الجمعة، 15 أبريل 2011


قصيده الابنودى الاخيرة قبل الثوره والي كانت ممنوعة



أنا المصرى





انا المصرى....كريم العنصرين

سليل المخلصين ... المؤمنين



وحامى الامه فى وقت الشدايد



وشقاق السكك للواردين



ودمى ملك ليكم اجمعين



انا المصرى كريم العنصرين



*****



انا المصرى كريم العنصرين



فقدت العقل والصوت والايدين وبعد ما كنت نجده وروح ووقفه



مانيش عارف نسيت دا كله فين



مين اللى سلبنى اسمى مين؟؟



انا المصرى كريم العنصرين



*****



وكنت اصرخ اطفى النار بصوتى



ويحيى امتى فى الشده ..... موتى



فمين اللى كتب عارى ف جبينى



ومين اللى سرق شعله سكوتى



وانا اللى غنايا صحى العالمين



انا المصرى كريم العنصرين



*****



انا متباع ...ماهيش عادتك يا وطنى



عدو..لعدو .. مين ماقبض شتمنى



صبى البقال يتاجر فى الضماير



واحلا عمرى ضاع مستنى زمنى



بقينا بصمتنا الموت متكتفين



انا المصرى كريم العنصرين



*****



كان الوحل..شد الرجل منى



انوح ابكى وانا قاصد اغنى



وواقفين ع الشطوط بايادى سودا



محال هيغرقونى غصب عنى



ولو نصبوا فى قلبى ميت كمين



انا المصرى كريم العنصرين



*****



من الهرم للسد .. يدى



بنتها كلها ف لحظه تحدى



وكنت زعيم نبيل ما بين جفارا وتيتو وكاسترو ونهرو وغاندى



ومش محتاج اقول انا كنت مين؟؟



انا المصرى كريم العنصرين



*****



وكان يخطب تصيب الدنيا ربكه



ومن لبنان يعود اسطول اميركا



ولينا فى الوجود كلمه ومكانه



واخوة فى الامل ....دمعه وضحكه



ورقابينا الابيه...مرفوعين



انا المصرى كريم العنصرين



*****



وجونا اللى رمونا...للمهالك



تقول"لاه:يقولولها وانتى مالك؟؟



تقول لبنان..احبابنا الاعزه



يقولوا يغوروا ...وتغوروا كذلك



نسيت من همى ابقى ازاى حزين



انا المصرى كريم العنصرين



*****



وبعنا كل شىء ينباع ...بدقه



بشفافيه ومن غير اى سرقه



ونظرنا لعلم النهب صرنا



بننهب كل شىء .. لكن برقه



بقينا دكاتره وسط النشالين



انا المصرى كريم العنصرين



*****



زمان كان فيه ملك فاحت روايحه



وثوار جيش بروحهم يومها .. ضحوا



وكان لينا شاءن حتى فى الهزيمه



وطن..كان يعجبك جمعه وطرحه



علينا عين..واقى الامه عين



انا المصرى كريم العنصرين



*****



وعاد تانى الملك يحكم بلاده..

ومن بعد السنين دى ...زاد فساده



وكنا ساده فوق ارض الكنانه



واصبحنا عبيده .....او عباده



وضاع فى الزحمه مشوار السنين



انا المصرى كريم العنصرين



*****



وتانى يا فقير عاد من يخونك



وتتهان فى بلادك عينى عينك



ولا الدين مكتفى من مص دمك



ولا عارف ديونهم من ديونك



وجيت للحق؟؟,,كله سلف ودين



انا المصرى كريم العنصرين



*****



وده يسلم لده والعصر فاجر



وتاجر حنت..سلمنا لتاجر



وام الامه مصر الانسانيه



بتتامر..وبتدارى الخناجر



وكنت النجده واستنجد بمين



انا المصرى كريم العنصرين



*****



وكنت اصرخ ..وكان الكل يسمع



وامد الايد ..عدو الامه يرجع



وجانى النطع يامرنى ويشخط



وخلانى بقيت فى الحق انطع



انا الى كنت اصحى الغفلانين



انا المصرى كريم العنصرين



*****



وكانوا يقولو"مصر"الشمس تطلع



وتعلا رقابنا فوق..وعيوننا تلمع



وكنا نشيل قلوبنا فوق كفوفنا



ويصدرونا نواجه اى مدفع



فمين ساعدنا ع الوضع المهين..؟



انا المصرى كريم العنصرين



*****



وازاى النهارده الدم.عومى



مقلقل صحوتى وساكن فى نومى



دمانا بتشتعل فى ارض غزه



ولبنان نارها ماسكه فى هدومى



وانا اللى فى الاسى واقف ما بين



انا المصرى كريم العنصرين



*****



ولولا الانظمه العريبه لامت



وفى صفوف العدو حتكون وكانت



ما كان الموت عرف "صيدا" و"بعبدا



ولاكانت قيامه الغدر قامت



ولا قلب العرب بيت حزين



انا المصرى كريم العنصرين



*****



وشوف لبنان بترحل من جنوبها



ونوم الليل.. ما بيعرف جنوبها



سطور النمل زاحفه للملاجىء



وريح الخونه ما هدت هبوبها



راحلين فى قلبى مذعورين



انا المصرى كريم العنصرين



*****



فيا لبنان انا..م اللى خانوك



يا حزب الله حكامنا باعوك



يا صاحبى..ماعدنا نملك غير هتافنا



هتافنا.مر مالى رقابنا شوك



وعلنى..بنفس الفعل المشين



انا المصرى كريم العنصرين



*****



يا نصر الله ده..زمن البياعين



وانت طلعت الامه منين؟؟



تفكرنا بكل اللى نسيناه



اظنه صعب يصحوا الميتين



وخليتنا الجميع متفرجين



انا المصرى كريم العنصرين



*****



مازال العدو نفس الخبيث



ابونا مات وسابهو ه لنا وريث



ومهما يلف ويدور ..راح يغور



واسال عندنا بيوت السويس



انا المصرى كريم العنصرين



*****



بقت رايتك خلاص رمز لجهادك



بقت رمزالمقاومه فى بلادك



ولبنان كلها بايته فى ضميرك



خلاص صبح الجهاد ماءك وزادك



لغير المسلمين والمسلمين



انا المصرى....كريم العنصرين



*****



بلاد الا مريكان احنا وصهاينه



وصمتى ع اللى حاصل...كله معنى



مازال الحلم لم فارق دمايا



على رغم اللى عاشه طعنه .. طعنه



يا لبنان الكرامه ....لا تلين



انا المصرى كريم العنصرين



*****



ويا لبنان ما تطفيش نار نضالك



رجالك..حتى لو ماحناش رجالك



بحور الدم ماتغرق حقوقك



ولا تكسر مجاديف احتمالك



حبيبك..بس مش قادر اعين



انا المصرى كريم العنصرين



مصيبة(إمسكوا الخشب)


مصيبة(إمسكوا الخشب) ‏
السبب في كتابة هذه الرسالة


أنى كنت في حوار مع زميلة بريطانية



وبعدين قلت لها : شغلك ممتاز



قالت لي : تاتش وود ( امسك الخشب )



وطبعا هذه العبارة يرددونها كثيرا



بس هي سألتني: انتم المسلمون عندكم أكيد بتقولوا حاجه بدلها



قلت لها: لا..بنقولها هي هي



قالت لي : تقولون إمسك الخشب ؟



قلت لها: نعم....



‏قالت: المسلمين بيقولوا ‏إمسك الخشب؟؟؟؟ معقولة؟؟؟؟ ..





إستغربت أنها مستغربة.





‏قالت : الخشب المقصود هو..خشب الصليب!!!!!!!







( قاعدين نقول طول عمرنا ‏إمسك الصليب؟؟؟؟؟)







‏ حيث أنهم يعتقدون في قوة خشب الصليب علي المخلوقات الشريرة كمصاصي الدماء ممن لا يموتون في أساطيرهم إلا به ويخرج الجن ويحفظهم من الحسد وشر السحر





‏كانت أول مرة أعرف المعلومة فحبيت أنقلها إليكم ...وعلشان اللي ما يعرفش يعرف





بدل ما إحنا طول عمرنا نقول:





"‏امسكوا الخشب يا حبايب..امسكوا الخشب...."





‏ ويا ريت نعرف أصل كل كلمةقبل مانقولها ونتذكر قول الرسول الكريم "وهل يكب الناس علي أنوفهم في النار يوم القيامة إلا حصائد ألسنتهم"









ما دمنا عرفنا بهذا الموضوع واجبنا تجاه المسلمين أن يعرفوا







قال رسول الله – صلى الله عليه وسلم -: من دعا إلى هدى كان له من الأجر مثل أجورمن تبعه لاينقص ذلك من أجورهم شيئا وخاصة وأن لنا كمسلمين البديل من المعوذتين وسورة البقرة وآية الكرسى والأحاديث الشريفة التي تحفظنا من شرور الإنس والجن





اللهم هل بلغت...اللهم فاشهدً





منقول من صفحة اختي العزيزه الغاليه

منار

ياريت يكون ليها نصيب من الدعاء لنها هي من ادت لتنشر قوة الخبر

8 إبريل


السلام على من اتبع الهدى وامر بالمعروف والنهي عن المنكر




http://www.youtube.com/watch?v=L3tc_pJ9RJA




8 لإبريل يوم ذات تاريخ قوي للمصريين


في 1970 كانت مذبحة بحر البقر للاطفال الابرياء على يد اغشم عدوان واحط الناس في العالم واحقرهم الياهود


8-ابريل 2011

تاريخ جديد ولكن لاول محاصره قويه للسفاره الصهيونه في مصر واجمل احتفال امام سفارة الصهيون





اسبكم مع احداث بحر البقر للي ميعرفهاش


وصف الجريمة



الزمان


الساعة التاسعة وعشرون دقيقة من صباح يوم الأربعاء 8 أبريل 1970م، الموافق للثاني من صفر عام 1390 هـ



المكان


مدرسة بحر البقر الابتدائية المشتركة التي تقع بزراعة 2ببحرالبقر بمركز الحسينية –محافظة الشرقية (شمال شرق القاهرة، جنوب بورسعيد).



تكوين المدرسة


المدرسة تتكون من دور واحد وتضم ثلاثة فصول، وتلاميذها 150 طفلا.



المعتدي


صهيون



أداة العدوان


طائرات الفانتوم الأمريكية الصنع.



وسيلة الدمار


تم نسف المدرسة المكونة من 3 فصول بواسطة : خمس قنابل وصاروخين



ناتج الجريمة

استشهاد نحو ثلاثين طفل.

إصابة أكثر من خمسين طفلاً بجروح وإصابات بالغة خلفت عدداً من المعوقين

تدمير بناء المدرسة وتسويته بالأرض.


1- حسن محمد السيد الشرقاوي.


2- محسن سالم عبد الجليل محمد.


3- إيمان الشبراوي طاهر.


4- بركات سلامة حماد.


5- فاروق إبراهيم الدسوقي هلال.


6- خالد محمد عبد العزيز.


7- محمود محمد عطية عبد الله.


8- جبر عبد المجيد فايد نابل.


9- عوض محمد متولي الجوهري.


10- محمد أحمد محرم.


11- نجاة محمد حسن خليل.


12- صلاح محمد إمام قاسم.


13- أحمد عبد العال السيد.


14- محمد حسن محمد إمام.


15- زينب السيد إبراهيم عوض.


16- محمد السيد إبراهيم عوض.


17- محمد صبري محمد الباهي.


18- عادل جودة رياض كرواية.


19- ممدوح حسني الصادق محمد.



قصيدة صلاح جاهين


وكتب صلاح جاهين رائعته (الدرس انتهى لموا الكراريس)مسجلاً تلك المجزرة في ذاكرة الشعر العربي والأغنية العربية ولحنها الموسيقار سيد مكاوي ليحملها صوت الفنانة شادية :الدرس انتهى لموا الكراريس


بالدم اللى على ورقهم سال


في قصر الأمم المتحدة


مسابقة لرسوم الاطفال


ايه رايك في البقع الحمرا


يا ضمير العالم يا عزيزى


دى لطفلة مصرية سمرا


كانت من اشطر تلاميذى


دمها راسم زهرة


راسم راية ثورة


راسم وجه مؤامرة


راسم خلق جبارة


راسم نار


راسم عار


ع الصهيونية والاستعمار


والدنيا اللى عليهم صابرة


وساكتة على فعل الاباليس


الدرس انتهى


لموا الكراريس


ايه رأى رجال الفكر الحر


في الفكرة دى المنقوشة بالدم


من طفل فقير مولود في المر


لكن كان حلو ضحوك الفم


دم الطفل الفلاح


راسم شمس الصباح


راسم شجرة تفاح


في جناين الاصلاح


راسم تمساح


بالف جناح


في دنيا مليانة بالاشباح


لكنها قلبها مرتاح


وساكتة على فعل الاباليس


انتهى الدرس


لموا الكراريس


ايه رايك ياشعب ياعربى


ايه رايك يا شعب الاحرار


دم الاطفال جايلك يحبى


يقول انتقموا من الاشرار


ويسيل ع الاوراق


يتهجى الأسماء


ويطالب الاباء


بالثأر للأبناء


ويرسم سيف


يهد الزيف


ويلمع لمعة شمس الصيف


في دنيا فيها النور بقى طيف


وساكتة على فعل الاباليس


الدرس انتهى


لموا الكراريس


الاغتيه للي ميعرفهاش او مسمعهاش


http://www.youtube.com/watch?v=8QXYTqac56U



بعض الأدبيات لجيل بحر البقر

محمد عبدالباقي ) ، واحد من جيل بحر البقر وشاهد عيان على الحادث ، هو الآن أحد أدباء الشرقية المعروفين ورئيس نادي أدباء الحسينية ، له قصيدة كتبها من أكثر من 25 سنة تجسد المأساة ، وتؤرخ للحدث ، صارت هذه القصيدة من تراث قرية بحر البقر ومركز الحسينية ، يحفظها الصغار و يتناقلها الكبار وتغنى في تلك المناسبة ، وينشدها كل تلاميذ القرية في صباح هذا اليوم من كل عام



ملحمة بحر البقر شعر : محمد عبدالباقي



قومي يا فاطمة عشان مدرستك


و انت كمان قوم يا حسين


قوم يا حبيبي إنت وأختك


أيوه يا أمي خلاص قايمين


قوم يا حبيبي الشمس أهي طلعت


طالعة تبوس خد الشاطرين


صباح الخير عليكي يا أمي


صباح الفل على الطعمين


تعالي يا فاطمة أعملك شعرك


الله يصون ست الحلوين


ياللا يا شطار آدي الإفطار


تسلم إيد ست الغاليين


آدي شنطكم وآدي كتبكم


يحميكوا ربي من الحاسدين


( من جد وجد )..


( من زرع حصد ) ..


ومرت ساعة أو ساعتين


وفجأة ..!!


قنابل زي السيل


نازلة ياعيني على المساكين


وصراخ يعلى ...


وصوت بيهدي ..:


أمي ...


أبويا ....


وراحوا ساكتين ..


وصوت بينادي :


-فين أولادي ..؟


.. راحوا مني في غمضة عين ..؟ والتانية بتصرخ :


ابني وحيدي ..


لغيرك يا بني أنا عايشة لمين ..؟


والتالتة بتجري وتصرخ برضه :


-ابني


-حبيبي ... -ضنايا فين ..؟


آدي مسطرته ..


وآدي كراسته ..


مكتوب فيها يادوب سطرين


سطرين بس انكتبوا بدمه


يحكوا ندالة الخاينين


و آدي كراسة ( فاطمة المصري )..


.. وآدي كتاب أخوها ( حسين ) ..!!


.. و آدي شريط الشعر بتاعها


وكمان شنطة ( ليلى أمين )


سجل يا تاريخ واكتب عندك


طيران ..


وقنابل ..


وكراستين ..!!!


وأزهار بيضا بتنزف دم


مين ضمايرهم تصرخ ..؟


مين …؟


وكمان يا تاريخ وقَّف لحظة


خلينا نبوس ( فاطمة )


و ( حسين ) .



ودي بعض الصور والاغاني



الي اتقال على المدرسه


بصوات الاطفال نفسهم



http://www.youtube.com/watch?v=QL5LmF5OpM4



ولي مع ذالك يوم تاريخ طويل لاني اكثر اليوم تذكره بيه دائما

مَن لي بِتَربِيَةِ النِساءِ


حافظ إبراهيم

مَن لي بِتَربِيَةِ النِساءِ فَإِنَّها

في الشَرقِ عِلَّةُ ذَلِكَ الإِخفاقِ

الأُمُّ مَدرَسَةٌ إِذا أَعدَدتَها

أَعدَدتَ شَعباً طَيِّبَ الأَعراقِ

الأُمُّ رَوضٌ إِن تَعَهَّدَهُ الحَيا

بِالرِيِّ أَورَقَ أَيَّما إيراقِ

الأُمُّ أُستاذُ الأَساتِذَةِ الأُلى

شَغَلَت مَآثِرُهُم مَدى الآفاقِ

أَنا لا أَقولُ دَعوا النِساءَ سَوافِراً

بَينَ الرِجالِ يَجُلنَ في الأَسواقِ

يَدرُجنَ حَيثُ أَرَدنَ لا مِن وازِعٍ

يَحذَرنَ رِقبَتَهُ وَلا مِن واقي

يَفعَلنَ أَفعالَ الرِجالِ لِواهِياً

عَن واجِباتِ نَواعِسِ الأَحداقِ

في دورِهِنَّ شُؤونُهُنَّ كَثيرَةٌ

كَشُؤونِ رَبِّ السَيفِ وَالمِزراقِ

كَلّا وَلا أَدعوكُمُ أَن تُسرِفوا

في الحَجبِ وَالتَضييقِ وَالإِرهاقِ

لَيسَت نِساؤُكُمُ حُلىً وَجَواهِراً

خَوفَ الضَياعِ تُصانُ في الأَحقاقِ

لَيسَت نِساؤُكُمُ أَثاثاً يُقتَنى

في الدورِ بَينَ مَخادِعٍ وَطِباقِ

تَتَشَكَّلُ الأَزمانُ في أَدوارِها

دُوَلاً وَهُنَّ عَلى الجُمودِ بَواقي

فَتَوَسَّطوا في الحالَتَينِ وَأَنصِفوا

فَالشَرُّ في التَقييدِ وَالإِطلاقِ

رَبّوا البَناتِ عَلى الفَضيلَةِ إِنَّها

في المَوقِفَينِ لَهُنَّ خَيرُ وَثاقِ

وَعَلَيكُمُ أَن تَستَبينَ بَناتُكُم

نورَ الهُدى وَعَلى الحَياءِ الباقي